கடக
ராசி கண்டக சனி பலன் என்ன செய்யும்? சனிப் பெயர்ச்சி பலன்கள் 2020 - 2023
வாக்கிய பஞ்சாங்கம் முறையின்படி நிகழும் சார்வாரி
வருடம் மார்கழி மாதம் 12ம் தேதி சனி பகவான் உத்திராட நட்சத்திரம் 1ம் பாதத்திலிருந்து, மகர ராசியில் உள்ள
உத்திராட நட்சத்திரம் 2ம் பாதத்திற்கு பெயர்ச்சி ஆக உள்ளார். மகர ராசியில் சனி பகவான் 19 டிசம்பர் 2023ம் தேதி வரை
சஞ்சரிப்பார்.
கண்டக
சனி
சனி பெயர்ச்சியின் காரணமாக கடக ராசிக்கு 7ம் இடமான மனைவி, துணை, தொழில் கூட்டாளி
ஸ்தானத்தில் சனி சஞ்சரிப்பதால் கண்டக சனி பலன்களைப் பெற உள்ளனர். சனியின் பாதிப்பு
சற்று கூடுதலாக இருக்கும். இருப்பினும் கடமையை சரியாக, நேர்மையாக செய்பவர்களுக்கு நன்மை தான் நடக்கும்.
இந்த சனி 7ம் இடமான களத்திர
ஸ்தானத்தில் சஞ்சரிக்கிறார். சனி பகவான் தான் அமர்ந்திருக்கும் இடத்திலிருந்து
தனது 3ம் பார்வையால் பாக்கிய ஸ்தானத்தையும், 7ம் பரவையால் ஜென்ம ஸ்தானத்தையும், அவரின் 10ம் பார்வையால்
சுக ஸ்தானத்தையும் பார்க்கிறார்.
ராசிக்கான சனி பொது பலன் :
மகரத்தில் சஞ்சரிப்பதால் எந்த ஒரு முக்கிய செயல்களை
செய்வதாக இருந்தாலும் முதலில் பெரியோர்களின் ஆலோசனையும், தொழில் ரீதியாக இருந்தால் சந்தை நிலவரத்தைச் சரியாக
தெரிந்து கொண்டு அதற்கேற்றார் போல செயல்படுவது நல்லது.
கணவன் மனைவி இடையே இருக்கும் கருத்து வேறுபாடு மறந்து
விட்டுக் கொடுத்து செல்வது அவசியம். உறவினர், நண்பர்களுடன் சில
குழப்ப நிலை ஏற்படும். உயர்ந்த ஆபரண நகைகள், பண பரிமாற்றத்தில்
சற்று கவனமாக இருப்பது அவசியம். எந்த ஒரு ஆவணங்களிலும் கையெழுத்து இடுவதற்கு முன்
நன்றாக படித்து பார்த்து கவனமாக இருப்பது நல்லது. துணையின் ஆரோக்கியம்
பாதிக்கப்படலாம்.
சனி பகவான் அதிசாரம் எப்போது?
சனி பகவான் 29/03/2023ம் தேதி முதல் 24/08/2023ம் தேதி வரை தனது அதிசார பெயர்ச்சியாக கடக
ராசிக்கு 8ம் வீடான
கும்ப ராசியில் சஞ்சரிப்பார். இதனால் உங்கள் ராசிக்கு இனம் தேரியாத மனக் குழப்பம், சில பொருள் இழப்பு, வாகன விபத்துக்களை
சந்தித்தல், மனக்கவலை
ஏற்படலாம்.
மாணவர்களுக்கு
:
மாணவர்களின் கல்வியில் மந்த நிலை
இருக்கும் என்றாலும், சிறப்பான மதிப்பெண், தேர்ச்சி பெற ஒரு முறைக்கு பலமுறை
படிப்பது அவசியம். படிப்பில் மந்த நிலை இருக்கும். சோம்பேறித்தனத்தைக் கைவிட்டு
சுறுசுறுப்புடன் படித்து வர நல்ல முன்னேற்றம் அடைவீர்கள்.
பெண்களுக்கு
:
இல்லத்தரசிகள், துணைவருடனான சின்ன பிரச்னைகளை எல்லாம்
பெரிதாக்காமல் இருப்பதும், கோபத்தை குறைத்துக் கொள்வது நல்லது. குடும்ப உறுப்பினர்களுடன்
மகிழ்ச்சியான நேரங்களை செலவிடுவீர்கள். ஆடை, ஆபரண சேர்க்கை உண்டாகும். பெண்களுக்கு இதுவரை கை
கூடாத திருமண பாக்கியம் இப்போது உண்டாகும்.
உத்தியோகஸ்தர்களுக்கு :
உத்தியோகத்தில் இருப்பவர்களுக்கு தற்காலிக பணி
நிரந்தரமாகும். பணி இடத்தில் உங்களின் சக ஊழியர்கள் ஆதரவாக செயல்படுவார்கள்.
நண்பர்கள், பழகியவர்கள் மூலமாக புதிய வேலை வாய்ப்புகள் கிடைக்கக்
கூடும். உங்கள் மீதான மதிப்பு, மரியாதை
அதிகரிக்கும். படித்து முடித்து வேலை தேடுபவர்களுக்கு நல்ல வாய்ப்புகள்
கிடைக்கும்.
மூத்த அதிகாரிகளிடம் அதிக உரிமை எடுத்துக் கொண்டு செயல்பட
வேண்டாம். மேலதிகாரிகளைக் குறித்து வெளியில் பேசுவதை தவிர்க்கவும். உங்களுக்கான
சலுகைகள் தாமதமாக கிடைக்கக்கூடும்.
தொழில்:
தொழில், வியாபாரத்தில் இதுவரை இருந்து வந்த மந்தநிலையும், தேக்க நிலை மாறும்.வியாபாரத்தில்
புதிய வாய்ப்புகளைப் பெறுவீர்கள். உங்களின் வேலையாட்கள் உங்களுக்கு மிகுந்த
ஒத்துழைப்பு தருவதாக இருப்பார்கள். கலை தொழில் உள்ளிட்ட தொழில் செய்பவர்கள்
சுறுசுறுப்புடன் செயல்பட்டு தொழில் முன்னேற்றத்தைப் பெறுபவர்களாக இருப்பீர்கள்.
கடன் வாங்கி தொழில் விரிவு
படுத்தவோ, தொழில்
விரிவாக்கம் செய்தலை தவிர்ப்பது அவசியம். இல்லையென்றால் சந்தை நிலவரத்தை அறிந்து
கொண்டும்,சரியான
ஆலோசனையைப் பெற்று எந்த ஒரு தொழில் செயல்பாடுகளையும் செய்வது அவசியம். உங்கள்
தொழில் ரகசியங்கள் வெளியில் சொல்ல வேண்டாம்.
அரசியல்வாதிகளுக்கு :
அரசியலில் உங்களின் முயற்சிகள்
வெற்றி தருவதாக இருக்கும். குடும்ப உறுப்பினர்கள் உங்களுக்கு ஆதரவாக
செயல்படுவார்கள். உங்கள் மீதான வழக்குகளில் நீங்கள் எதிர்பார்த்த முடிவுகள்
கிடைப்பதில் காலதாமதம் ஏற்படும்.
பரிகாரம் வழிபாடு :
வீட்டில் விளக்கேற்றி லலிதா
சகஸ்ர நாமம் பாடி அம்பாளை வழிபடுவதும். அஷ்டமி விரதமிருந்து பைரவரை வழிபடுவதும்.
நவகிரக சன்னதியில் வலம் வந்து வழிபடுவதால் உங்களின் குடும்ப மகிழ்ச்சியும், முன்னேற்றமும் அதிகரிக்கும்.
கருத்துரையிடுக
கருத்துரையிடுக